هو وهي

هى وهو

هى : شفت جانيت دخلت الحكومة ازاى ؟ وهى متعرفش تتكلم كلمتين انجليزى

هو : واحنا اية اللى يخصنا فى الموضوع دة

هى : لا عشان تعرف حتى الكوسة والوسايط وصلت امريكا

هو : خليكى فى حالك وسيبى الناس فى حالهم

هى : هو انت دايما" تصدنى وتستخف بعقلى

هو : يا ستى انا اعصابى تعبانة . بس نتكلم فى موضوع يفيدنا

هى : ما أنت قافل على نفسك لو تعرف الناس وتفتح ودانك . تعرف الدنيا ماشية ازاى . الناس بتحب تعرف احوال الناس وتستفيد

هو :الناس دى فاضية وعندهم مواهب حب الاستطلاع وتقصى احوال الناس لية بيحبوا يجيبوا سيرة الناس بالحلوة والبطال لو كان عندهم قيمة يدوروا على مشاكلهم ويحلوها بدال ما يلغوصوا فى مشاكل غيرهم دول ما عندهمش عقل

هى: يعنى انا ما عنديش عقل دة انت زودتها خالص دى كانت جوازة سودة

هو: احنا كدة وصلنا لسكة سد

هى: كل حاجة اقولها مش عجباك كل حاجة اعملها متريحشى اتكلم فى التليفون بتكلمى مين وبتقولى اية اعمل اكل تقول دة اكل ولاسم حتى لبسى وهدومى تقول دة لبس المراهقات انت ما بتحبنيش امال اتجوزتنى لية

هو: ماكنتش شفت الحاجات دى اللى استجدت بعد الزواج

هى: يعنى انا خدعتك غشيتك

هو: لايا ستى غلطتى ماكنتش بشوف كويس

هى: انت ذوتها خالص انا هتصل بابونا يشوف حل

الو يا ابونا انا سميرة احنا محتاجينك انا مش عارفة اتفاهم مع جوزى وصلنا لباب مسدود والعيشة اصبحت مرار الانفصال احسن

ابونا اهدوا يا اولادى كل مشكلة ليها حل ما عدا الموت مالهوش حل - اية المشكلة؟

هى: كل ما افتح موضوع مايريحهوش

ابونا: اية اللى مايريحش واية اللى يريح

هو: المواضيع اللى بتتكلم فيها ما تخصهاش

ابونا: انت قبل ما تتجوزها كنت بتحبها

هو: طبعا" كنت بحبها

ابونا: والحب طبعا" هو القبول والاحترام وانت اخدتية عن حب ولا ضغط

هى: لا اخدتة عن اقتناع

ابونا: طبعا" الاقتناع هو الارتياح والقبول اذا الاساس كويس بس محتاجين شوية صيانة - ازاى نواجة المواقف

* احيانا" الموقف يبقى تافة جدا" ونفضل نكبرة لغاية مايبقى غول تقيل على الواحد

* احيانا" يبقى الكلام جاى مش فى وقتة يبقى لازم نختار الوقت المناسب تكون الاعصاب فية مسترخية فكل واحد يعرف يتصرف بهدوء وحكمة

* واحيانا" ما عندناش استعداد تقبل الاخر ونهاجمة يبقى انانية وكبرياء انتوا فين من التلاتة دول

هى: انا ما اخترتش الوقت المناسب وهو استفزنى

هو: انا كانت اعصابى مشدودة من الشغل

ابونا: يبقى فى حاجة مهمةكل موقف او موضوع او تصرف مع الغير لازم يتعن بالمحبة والاحترام ودة نتعلمة من مسيحنا تبقى النتيجة استقرار وسلام

سلام يا ولادى\

                                                                      فوزي نجيب

Tweet